Esti cuentu ta basau nuna historia que sucedió de verda nun
pueblu de Asturies en los primeros años de la década de los 60 del pasau siglu
XX, n’esti pueblu, vivía una familia formada pola madre, el padre, un nenu de
11 ó 12 años y una nena de 4 ó 5. El pueblu onde vivíen era perguapu, taba
situau nuna pequeña loma, les cases del
pueblu non taben una xuntu a otra formando una quintana, si non que taben en
filera separaes una de otra a lo llargu del camin que pasaba pol pueblu, dende la primer casa
hasta la ultima habría mas de un kilometro, el pueblu tenía unes vistes
perguapes, mirando escontra’l norte víase la mar y varios pueblos de la zona y
mirando escontra’l sur una sierra de montañes que de dalguna manera imprimíen
carácter a esti pueblu y los demás de la rodiada. Aquelles Navidaes había caíu
una gran nevada, los caminos taben intransitables y el pueblu taba práticamente
aislau, acercabase la noche de Reyes y los dos nenos
taben preocupaos, pos teníen mieu que los Reyes Magos no llegaren con los
regalos que les habían pediu, -¿cómo diben
a pasar co los camellos si non se podía entrar nin salir del pueblu?-, la nena había-yos
pidiu una muñeca que al acostala cerraba los güeyos y el nenu un rompecabeces,
por ciertu que la nena taba un pocu preocupada, pos non sabía muy bien que yera
eso del rompecabeces que pedía el so hermanu, -¿a ver si diba a ser daque para
rompe-y la cabeza a la so muñeca?-. Para empeorar más les coses el día 5 de
xineru volvió a nevar, asína que aquella noche los nenos fueronse a la cama
casi convencios de que los Reyes no podrían llegar al pueblu. Cuando despertaron
a la mañana siguiente la sospresa fui mayúscula, sobre les zapatilles de la
nena había una preciosa muñeca que efectivamente al acostala cerraba los güeyos
y sobre las del nenu un gran xuegu de arquitectura con un montón de pieces co les
que se podíen facer cases, palacios y castillos, la nena respiro aliviada al
comprobar que’l rompecabeces non yera pa rompe-y la cabeza a la so muñeca, de
esta manera los nenos comprendieron que por algo los Reyes son magos y que pase
lo que pase, la noche del 5 al 6 de xineru, ellos siempre acuden a la cita que tienen
con toos los nenos para trae-yos los sos regalos, eso sí, sí fueren buenos,
porque si fueren malos igual-yos dexen
carbón.
Felices Reyes.
