31 mayo 2008

Cuentos y Leyendas: Pachin y el llobu rabicu

El siguiente relatu, forma parte de la gran cantidá de cuentos y leyendes que se cuntaben va munchos años nos pueblos y aldees d'Asturies, nes llargues nueches d'iviernu, cuando los vecinos, dempués de terminar les tarees diaries axuntábense en casa de dalgún d'ellos pa comentar el día a día.
Nestes velaes, amás d'echar unes partíes a la brisca ó al tute, falabase de cómo andaba la cotización del ganáu, comentábense noticies y asocedíos de los pueblos cercanos, tamién se comentaba si habría que dir de sextaferia  pa reparar dalgún camín, cortar les seves, reparar dalgún bebederu, etc.

Durante la velada, solíase tamien cuntar dalgún cuentu ó hestoria, munches veces contáu, non como si fora un cuentu, sinón como si fora un sucesu real, de fechu empezabase  con estes palabres. ¿sabéis lo que paso en tal sitiu? y a partir d'equí cuntábase la hestoria munches veces arrodiada d'un cercu máxicu, dexando a la interpretación de los qu'escuchaben, sobre si lo que se cuntaba seria verdá o ficción, estos relatos tamién se cuntaben col fin d'asustar un pocu a los más pequenos, pa que nun se alejaren enforma del pueblu, yá que nes contornes del mesmu solíen, tar “El Home del sacu”,  “La Papa Resolla” , o “El Chupasangres” que se llevaben o comien a los nenos.

La hestoria que voi rellatar asocedió supuestamente nel pueblu de Villaescusa, yo escuchela cuntar a persones mayores cuando era nenu,

Nes contornes de Villaescusa, concretamente nel llugar denominau "la llosa Villaescusa" había una cabana propiedá d'un vecín del pueblu llamáu Pachín, onde, durante’l iviernu, esti vecín guardaba les vaques, que pel branu llevaba al puertu Sueve.


Cada mañana Pachín baxaba hasta la so cabana col fin d'atender el ganáu, pa darréu sacalo de la cabana y llevalo a pastiar pelos praos cercanos, pela tardi facia la operación contraria, ye dicir recoyía'l ganáu nel prau y llevalo a la cabana, arreyaba les vaques, cebabales, cerraba la cabana y tornaba al pueblu, esta rutina repitiala a diariu durante’l  iviernu.


Una mañana cuando Pachín, fui sacar les vaques, comprobó con plasmu, que taben sueltes dientro de la cabana, yá que arrincaren los amarres colos que taben arreyaes, amás taben bien nervioses y agitaes, como pudo aselo al ganáu y sácolo de la cabana.

Iguo los desperfectos de la cabana, de la que pensaba cual sería la causa qu'asustaba al ganáu durante la nueche, pos anque miro pela contorna de la cabana, nun afayó pista dalguna, que le indicara cual podía ser la causa del comportamientu tan estrañu de les vaques.
De regresu al pueblu comento lo asocedíu colos sos vecinos, que nun supieren dar nenguna esplicación de lo que pasara na so cabana.
Nos díes siguientes nun asocedió nada raru, pero una selmana dempués cuando Pachín fui a sacar les vaques de la cabana, atopoles de nuevu sueltes y desaxeradamente ximelgaes lo mesmo que la vegada anterior, esta situación repitiose en delles ocasiones durante un curtu periodu de tiempu, ensin que'l dueñu de los animales, nin los sos vecinos atinaren a entender que podía pasar pela nueche na cabana, que provocara que los animales se portaren d'esa manera tan estraña, unos dicíen que si sería un "Cuelebre" qu'habitaba nuna cueva cercana, otros dicíen que podía ser obra del "Diablu Burllón", ó del "Trasgu", etc.

Ante esta situación Pachin pensó que la única forma de averiguar qué ye lo qu'asocedía na cabana, seria pasar la nueche na mesma, xuntu col ganáu, comento esta idea colos vecinos del pueblu, pa ver que-yos paecía, pero estos desaconseyáron-y  que pasara la nueche solu na cabana polo que pudiera pasar.


Sin embargo, Pachín armándose de valor empezó a dormir na cabana, pa ello cada nueche acabante cenar, coyía'l so farol d'aceite y allumándose con él, baxaba hasta la cabana, una vegada ellí apagaba'l farol, pa que nun hubiera nada de lluz y sentáu nuna “Tayuela” pasaba la nueche, asina paso delles nueches ensin que nada asocediera

Pero una nueche, serien sobre los trés de la madrugada, tando Pachín sentáu na “Tayuela” un pocu adormilitiáu, empezó a oyer un ruiu paecíu a un “ris ras, ris ras” cerca de la puerta de la cabana, a  la vez que los animales sobrosaltábense y empezaben a dar tirones a les cuerdes coles que taben ataos, sigilosamente incorpórose y anque nun había nada de lluz na cabana, gracies a que la nueche era clara y a la lluz de la lluna que pasaba a trabes d'un ventanucu que la cabana tenia, pudo ver que por una rendixa de la puerta, daqué entraba y salía, era lo que producía'l ruiu de “ris ras, ris ras”. Bien despaciu avérose a la puerta de la cabana, y cuando tuvo abondu cerca agarro coles dos manes aquello qu'entraba y salía pela rendixa de la puerta, nada mas agarralo, noto qu'una gran fuerza tiraba del escontra la puerta, sin embargo el nun soltó lo qu'había agarrau, una vez repuestu del plasmu, diose cuenta que lo que tenía ente les manos debía de ser la cola de dalgún animal selvaxe, quizá  d'un raposu ó d'un llobu.

Pachín empezó a tirar de la cola escontra dientro y l'animal pa escontra fora, asina tuvieron llargu tiempu, de vez  en cuando, paraben pa descansar, y al ratu Pachin dicía - ¿rabexamos otru pocu?,-  y entós siguíen, Pachín escontra dientro y l'animal pa escontra fora, asina pasaron, “rabexando” el restu de la nueche, coles primer lluces del alba a Pachin, quédose-y la cola del animal nes manes y esti alejose a gran velocidá, cuando amaneció comprobó que la cola que se-y quedara ente les manes era d'un llobu.
De regresu al pueblu, comento a los sos vecinos l'aventura que viviera na cabana, de primeres nun lu creíen, pero cuando-yos enseño  la cola del "llobu", diéronse cuenta que era ciertu lo que cuntaba y  toos  lu felicitáren  pola valentía que habia demostrau al enfrentase a lo desconocíu.
Sobra dicir que qu'a partir d'esti momentu, nunca más asocedió nada raru na cabana de Pachin.

El branu siguiente, Pachin llevo les vaques al puertu Sueve, como facia cada añu y nuna ocasión que fui veles, sentose a comer daqué cerca de la fonte de Xuan de la Gracia, tando ellí sentáu vio non muy lejos d'ellí un llobu al que paecía que-y faltaba la cola, Pachín pensó si seria esti, el  llobu  col que  el tuviera  l'aventura na so cabana de Villaescusa el pasáu iviernu, pa intentar  averígualo ocurriose-y  glayar.- ¿RABEXAMOS OTRU POCUUU?,-  a lo qu'el  llobu respondió poniendo pies en polvorosa y alejándose  del llugar a gran velocidá, ensin duda recordando l'aventura vivia na cabana de Pachin.

No homenaxe y alcordanza de les persones de Villaescusa yá  finaes, que cuando yo yera nenu cuntáronme esti y otros munchos cuentos y hestories.



1 comentario:

lo mejor de este siglo dijo...

me encantan esas historias antiguas yo me se alguna
tambien me encanta el video de los lobos