lunes, 3 de marzo de 2014

Cuentos y leyendas: Un Casin en Lluces

Según cuenta esti cuentu, leyenda ó refrán, seguramente basau en parte en fechos reales, paez ser que d'antiguo cuando los inviernos eren muncho más duros que na actualidá, dellos ganaderos del conceyu de Casu cuando teníen que baxar los sos animales de los montes de dichu conceyu totalmente cubiertos de nieve, traslladabanse con ellos hacia la Rasa de Lluces nel conceyu de Colunga, onde apenes cubría la nieve y había algo de pastu pa los sos animales nos extensos terrenos comunales de dicha rasa costera, pal  ganáu  era un aliviu y podíen sobrevivir al iviernu pero los  ganaderos pasabenlo verdaderamente mal pos nesti llugar nun teníen cases nin cabañes onde guarecese de les inclemencies del tiempu, refugiandose en  dalgún cabanu qu'ellos mesmos construyíen con cañes y rames d'árboles.

Esta foma de vida tan dura, el friu, la mala alimentación y la soledá, facien que dalgunos d'ellos sufrieren allucinaciones y dacuando creyeren ver dalgún qu'otru pantasma y oyíen voces del mas allá.

Nuna ocasión a finales del mes  marzu unu d'estos ganaderos dempués de pasar grandes dificultaes durante tol iviernu al ver qu'esti terminábase, qu'el so ganáu sobreviviera, que'l  tiempu ameyoraba y que llueu podría tornar a casa, exclamo mirando al cielo.

¡¡¡¡  A MARZU    CAGARZU  YÁ NUN    TE TENGO MIEU    !!!!,
¡¡¡¡ A MARZU    CAGARZU YÁ NUN      TE TENGO MIEU    !!!!,

Cuando termino les sos exclamaciones quedose en silenciu y creyó escuchar una voz que-y dicía. 

¡¡¡¡ CON  OCHO DIS    QUE ME FALTEN  Y OTROS  OCHO QUE ME EMPRESTE      EL  MIO  HERMANU  ABRIL, TOVIA     TE VOI  FACER     CASIN,  DIR  PA CASU CO LOS PELLEYOS A RECOSTIN !!!!  

Anque a finales de marzu termine l'iviernu y empiece la primavera, tovia nun se podía cantar vitoria, pos durante los últimos dis del mes de  Marzu y los primeros del mes d'Abril, el tiempo podia ser totalmente invernizu, inclusu caendo grandes nevaes.


No homenaxe y alcordanza de les persones de Villaescusa ya finaes, que cuando yo era nenu cuntarome esti y otros munchos cuentos, refranes e histories.

No hay comentarios: