Nuna ocasión llego a un pueblu un señor que dicía ser médicu
traumatólogu que según dicía taba especializáu en “enderechar jorobaos”, ye
dicir toes aquelles persones que por cuenta de dalgún problema de la columna,
l’aspalda, etc. tuvieren que caminar agachaos, taben de norabona, pos según
esti médicu, una simple visita a la so consulta acabaría con tolos sos males y
saldríen de la mesma dafechu argutos.
El supuestu mélicu fijo un día pa recibir en consulta a tolos
que sufrien d'estes dolencies, pos según dixo, nun tenía demasiau tiempu, yá
que por cuenta de la so fama era costantemente requeriu en diversos llugares pa tratar a esti tipu d'enfermos.
Hasta que llego'l día de la consulta dedícose a correr la voz
polos pueblos cercanos anunciando'l día de la consulta col fin de captar la
mayor cantidá posible d'enfermos.
Al fin llego'l día señalau pa la consulta, toles persones de
la contorna que sufríen de dalguna d'estes dolencies, diéronse cita na consulta
del médicu, como toos eren de la mesma zona casi toos se conocien entre si, sin embargu, había un paisanu que naide
conocía y que caminaba dafechu agacháu ayudáu por un cayáu y tenía una gran
gorrumba nel llombu.
Esti paisanu díxo-yos a los demás que venía de bien lejos
atraíu pola fama d'esti doctor que según -y dixeron a él, facia verdaderos milagros con esta clase de
dolencies, tamién-yos pidió que-y
dexaren pasar el primeru a la consulta col fin de terminar antes y poder tornar
a la so casa llueu, los demás tuvieron d'alcuerdu y neso quedaren.
Nesto, abrióse la puerta de la consulta y apaeció el médicu,
elegantemente vistíu, cola so bata blanca y col fonendo al pescuezu, díxo-yos
que col fin de abreviar lo más posible la consulta, cobraría-yos los sos
honorarios antes d'empezar pa depués nun
perder tiempu, asina qu'unu a unu fui-yos
cobrando a toos. Cuando termino de cobra-yos, entro a pa la consulta y dixo:
QUE PASE EL PRIMERU.
Como alcordaren antes, el primeru qu'entro fui el gorrmbu foresteru, paso un tiempu y de sópitu
empezáronse a escuchar dientro de la consulta golpes y ruios de diversa índole siguios de dellos berrios de dolor, al pocu tiempu abrióse la puerta de la
consulta y apaeció el médicu, tenía un aspeutu totalmente androxu, el pelu alborotáu y la bata blanca, antes impoluta,
agora con varies rotures y manches de de
sangre.
Y DIXO’L MEDICU QUE
PASE EL SIGUIENTE
Teniendo en cuenta lo qu'escucharen y viendo l'aspeutu del
doctor, el que tenía qu'entrar pregúnto-y:
¿ONDE TA L'ANTERIOR?
A lo que'l médicu respondió:
DESGRACIADAMENTE L'ANTERIOR SE ROMPIO, PERO NUN S'ESMOLEZAN
ESTO ASOCEDE EN BIEN ESCASES OCASIONES.
Sobra
dicir que que'l siguiente nun entro y tolos demás tampoco, colándose d'ellí como alma que lleva’l diablu, llamentándose del engañu sufriu.
El medicu estafador y el gorrunbu forasteru que era el so ganchu, tamien marcharen precipitadamente,
antes que la xente se enterase de la so estafa y los escorrieren a palos.
N'alcordanza y homenaxe a les persones de Villascusa ya
finaes, que cuando yo era nenu, cuntaronme esti y otros munchos cuentos
y hestories.
No hay comentarios:
Publicar un comentario