El dìa 27 d'agostu de 2014 realicé
una escursión caminando pela zona onde naci y onde pase la mio mio niñez y
parte de la mio mocedá. Yo naci en Villaescusa, que política y
administrativamente pertenez a la parroquia de Pernús y al conceyu de Colunga,
non asi nos asuntos eclesiásticos que pertenez
a la parroquia de Santoxenia de los Pandos nel conceyu de Villaviciosa, por eso
nesta ocasión empece la caminata en
Santoxenia visitando todos los pueblos de la parroquia.
Como digo, empece en Santoxenia
caminando hasta'l Llagaron, ellí desvieme a la izquierda pa visitar el pueblu
de Paniceres, en Paniceres vivieron los mios tios Candido y Sofia, un paséu pol
pueblu de Paniceres tomando delles fotografíes y vuelta hasta'l Llagaron,
siguiendo dende ellí escontra El Campurroxu.
Nel Campurroxu, desvieme a la derecha pa visitar el pueblu de Piñera,
a la entrada de Piñera tuvi ocasión de charrar un ratu col mio tocayu Adolfo y
cola so muyer, ellos comentáronme como pocu a pocu los pueblos van quedando
despoblaos concreamente en Piñera ellos dos son los únicos habitantes que viven
nel pueblu de forma permanente, una vuelta por Piñera tomando delles semeyes y
de nuevu vuelta hasta'l Campurroxu, siguiendo dende ellí escontra La Capilla,
pasando por les Llueces y La Fontanina.
De La Capilla es mio madre Visita,
elli vivieron los mios güelos maternos, Eugenio y Benigna, desviome a la derecha pa visitar los pueblos
de Bucial y Corralles, pasando pela fonte Sienrra, El Burrumanxu, El Nidiu, El
Paoriu, etc. De Bucial yera'l mio güelu maternu Eugenio Bada Gancedo y de
Corrales yera la mio güela paterna Avelina Llera Casanueva.
En Bucial tuvi charrando con Ramon
de la Quintana que ye l'únicu vecin del pueblu, Ramón tien dos perros de los
qu'esta bien orgullosu, pos amás de ser bien guapos, fáen-y muncha compañía, (ver el perru de Ramón) despídome de Ramon y continuo hasta Corrales, ellí
tuvi falando con Ramón de Corrales y cola so muyer Benilde , dende Corrales
retorne escontra La Capilla y dende ellí escontra Villaescusa pasando por La
Figarona y La Royu, Villaescusa ye'l
pueblu onde yo naci, d'ellí yeren la mayoría de los mios antepasaos, padre,
güelu paternu y bisagüelos paternos. En Villaescua tuvi charrando con Milio el
de la Casanueva, Milio enseñome una planta de faba de la granxa que mide
mas de cuatro metros d'altura y tien mas
de cien vaines, (ver la faba de Milio), convidome tamién a tomar unos culinos
de sidra que taba excelente, Milio ye espertu n'ellaborar sidra y caltenela nel
so puntu, tamién salude a Elena y a Mª Dolores, a Encarnita y a Isabel. Un
paséu por Villaescusa tomando dalgunes
fotografies y regresu direutamente a Santoxenia.
Un paseu bien agradable, pos a
mi prestame munchu visitar estos
llugares onde yo naci y onde vivieren los mios antepasaos y recordar vieyos
tiempos, además gustame facelo caminando pos creo que ye la meyor manera de
tomar contactu con los sitios per onde pases y con la xente que vive nellos.
No hay comentarios:
Publicar un comentario