Hoy voi cuntar una anécdota de la
que fui protagonista'l mio bisagüelu maternu, a mi cuntaronmela cuando yo era nenu, nun sé si seria verdá o mentira pos esta
mesma anécdota cuntase de delles maneres distintes, y con distintos
protagonistas, pero bueno, yo voi cuntala como a mi me la cuntaren, siendo los
protagonistes el mio bisagüelu maternu y una muyer de Fanu.
El mio bisagüelu maternu
llamábase Xuán Carús y vivía en Los Aceos una quintana un pocu aisllada que
pertenecía a la parroquia de Pivierda,
yo nun llegue a conocelu pos finó primero que yo naciera, el mio
bisagüelu Xuan, era un paisano adelantau
a la época que-y toco vivir, amás de trabayar nos llabores del campu, gustaba-y
munchu la mecánica, sin tener conocimientos especiales, reparaba cualesquier
tipu de relo ya fuera de bolsillu,
espertaores, de pare etc. Tamién reparaba maquines de coser asi como
cualesquier otru artilugio mecanicu que cayera nes sos manes.
Siendo yo bien nenu alcuerdome
ver na so casa de Los Aceos que yá entós taba deshabitada, un pequeñu cuartu
con dellos relóes colgaos na paré y enriba d'una mesa delles pieces y relóes desarmaos asi como un gran reló de sol sobre la fachada de la casa.
Nuna ocasión llego a Los Aceos una muyer de
Fanu, con una máquina de coser al costazu pa que Xuán la mirara, pos la dichosa
maquina nun funcionar bien.
Xuán pregúnto-y que-y pasába a la
maquina, ella díxo-y que nun cosía, pos continuamnte se atascaba el filu y yera imposible coser nada con ella, él
díxo-y que tenía que dexa-y la maquina pos tenía enforma trabayu y nun podía
miráila naquel momentu.
Ella díxo-y que por favor se la mirara
sobre la marcha, pos de lo contrariu tendría que volver a la so casa de Fanu en
sin ella y volver de nuevu a Los Aceos a recoyela cuando tuviera reparada.
Xuán, apiadándose de la muyer y
sabiendo la gran caminata que había dende Los Aceos hasta Fanu acetó a echa-y
una güeyada a la maquina.
Coyó la máquina de coser punxola
enrriba d'una mesa y intento coser daqué con ella, comprobando que como la
muyer dicía enrredabase'l filu de continuo, entós, quito la tapa que cubría'l
mecanismu de la mesma, soplo delles veces, coyó una aceitera y echo delles
gotes d'aceite nos puntos neurálxicos del mecanismu, enfilo de nuevu la maquina
y probola de nuevu, comprobando que agora
la maquina funcionaba perfeutamente.
Xuán díxo-y a la muyer, bueno
como usté pue ver yá cues perfeutamente, en realidá lo que-y asocedía ye que
taba un pocu puerca y precisaba un pocu de engrase.
La muyer agradeció-y a Xuan que-y
reparara la maquina y pregúnto-y cuántu-y debía.
Él contésto-y:
Son cinco pesetes
La muyer dixo:
¿Cinco pesetes por soplar un par
de veces y echar unes gotes d'aceite?
A lo que Xuán contesto.
Non, por soplar y echar l'aceite
son cincuenta céntimos, les cuatro pesetes y cincuenta céntimos restantes son
por saber onde había que soplar y onde había qu'echar l'aceite.
La muyer dio-y les cinco pesetes, que yera una cantidá
importante naquellos tiempos, entendiendo que ye importante facer les coses, pero munchu mas importante ye saber como faceles.
34700
34700
