lunes, 2 de enero de 2017

Alcordances y anecdotes de Villaescusa

Casa de Bartolo Carús
Comienza un nuevu añu que sera el decimu de permanencia de esti blog en Internet hablando de cosas de Villaescusa y Colunga.
Para comenzalo voi hablar de los mios primeros recuerdos de Villaescusa, de les persones mas antigues de les que yo me alcuerdo y de dalgunes anecdotes, dichos o refranes que ellos me enseñaron y que yo nunca olvide.

La persona mas antigua de la que yo me alcuerdo vivia nel llugar de baxu, llamábase Bartolo Carús y era el padre de Consuelo, siendo yo muy pequeñu, tendria trés o cuatro años, recuerdo ver a Bartolo sentáu nuna silla de blima a la puerta de su casa tomando'l sol, yo andaba per elli, y él, siempre me cuntaba cuentos y hestories, un dichu o cantar que'l me enseño, y que yo nunca olvide dicia asi, --
Bartolo Carús
"a la vera del rio pario pachona 25 llargatos y una una saltona". --
y tambien me enseño esti trabalenguas --"una pegara megara indirga indorga ciega y sorda tenia cinco pegaros megaros indirgos indorgos ciegos y sordos" -- Bartolo non creia que la Tierra diera vueltes alredor del Sol, sinón que era'l Sol el que se movía, porque tolos dis salia pe La Isla y se ocultaba per Santoxenia, pa defender esto que él creia y cuando daquién le dicia lo contrariu, el siempre dicia: --"la Tierra nun se mueve porque la mio casa nunca miro pal puertu Sueve."--

Casa de Vicenti Motila
Otra persona de la que yo me alcuerdo era Vicenti Motila, Vicenti era'l padre d'Encarnación y de Carola. Recuerdo ver a Vicenti pasar pel campu nel llugar de baxu con cargues de nerbasu que llebava pa la corte, tamién recuerdo velu faciendo cigarros, qu'él en llugar d'usar papel de fumar, usaba fueyes de les panoyes de maiz que recogia nel tiempu de les esbilles, tambien recuerdo escucha-y  un refran que dicia asi --"ente marzu y abril el cuquiellu ha de venir, si bien pel Cosellarin, cuquiellu sardinerin, si bien  per Panizales muy buenes paciones y tremendos maizales".--
Cesareo junto al barganal de la llosa

Tambien me alcuerdo de  Cesáreo Fresno, Cesáreo era'l padre de José María que taba casáu con Encarnación, naquellos años yo vivía al llau de la so casa y alcuerdome de ver a Cesáreo que yá era muy mayor sentáu xuntu al barganal de la llosa la Casanueva y tamién a la sombra de los fresnos en les Fazuques.
De Cesáreo  recuerdo una anécdota curiosa, el llevaba siempre tol dineru que tenia na cartera y un día que taba xuntu con otres persones, que nun recuerdo quienes eren, díxo-y a una d'elles,- ¿ importaríate cuntame'l dineru que tengo na cartera? -  y apúrrio-y la cartera,-  la persona empezo a cuntar el dineru y a al fin díxo-y,- aqui tienes mil cientu cincuenta pesetes, a lo que Cesareo contesto,-  yá pero tienes que decimelo en riales porque yo coles pesetes nun me aclaro muy bién, a lo que l'otru contésto-y -son cuatro mil seiscientos riales, - entós Cesareo dixo gracies home, agora yá s'el dineru que tengo, esto nun ye nada estrañu, yo alcuerdome de que otres persones mayores de aquella época cuando falaben de dineru casi siempre lo facin en riales.

Alcuerdome  tamién a Doña María, Doña Maria vivía na Casanueva y era una señora muy quería y respetada por toos, ella era bien caritativa, cuando daquién se ponía enfermu en Villaescusa o nos pueblos de la rodiada, allá que diba Doña Maria a visitalos, llevaba'l termómetru y mirába-yos la fiebre, al mesmu tiempu que se interesába por ellos, tenia tamién tou lo necesario pa poner inyecciones y si el mélicu les recetaba, ella era la encargada d'alministrales a los enfermos. 
José Collado (José la Casanueva)

Recuerdo tamien que Doña María tenia unos prismáticos o antiojos, cosa nada frecuente na quellos tiempos, recuerdo ver a Doña María xuntu con otres persones en les Fazuques mirando colos prismáticos pal puertu Sueve y tratando de localizar los animales que elli tenien y qu'unu d'ellos dixo reconocer les sos vaques nel Sueve, de lo que yo deduzco que los prismáticos debíen de ser de muy buena calidá.

De la mesma época tambien me alcuerdo de José Collado (José la Casanueva), José diba xugar a les cartes col mio güelu Costante y llevaba la baraxa nun estuche bien guapu, o a mi   paeciamelo, mientres ellos xugaben a les cartes yo xugaba col estuche, tendría yo alredor de seis año, cuando terminaben de xugar José decia-y a mio güelu, -- "Costante asobea", --  que significaba recoyer les cartes y meteles nel estuche, esta frase de José nunca se me olvido, luego dispidianse hasta mañana y José iba hacia su casa cruzaba la Llosa, yo lo via desde la ventana de la casa de mio güelu y al alejase paeciame que se iba faciendo cada vez mas pequeñu hasta que desapaecia, alcuerdome tamien de un perru que tenia y que taba siempre amarrau debaxu'l horru y que se llamaba Porqué.

En memoria y recuerdo de todos ellos.

No hay comentarios: