23 abril 2018

La Muezca. (Pernús)

La Muezca
La Muezca ye una casería qu'esta asitiada al norte de Villaescusa nun de los caminos que d'antiguo comunicaben Villaescusa con Pernús, cuando yo era nenu y vivía en Villaescusa, pasaba con cierta frecuencia por La Muezca, pos pasaba per ellí una senda qu'utilizábamos los neños y neñes de Villaescusa p'asistir a les clases que s'impartíen nes Escueles Publiques de Pernús.

Naquellos yá lexanos tiempos vivíen na Muezca Santiago Manjón y la so muyer Primitiva Sánchez (Tiva), xuntu con dos de los sos fíos, Ramón y Maria Belen, Santiago y Tiva teníen otros dos fios, Benjamin y Jesús, que yá entonces  habian dexau La Muezca y residían en la Republica Dominicana.
Ramón con una de sus vacas casinas

Ramón Manjón casose en Collía, un pueblu del conceyu de Parres, con Julia Fernández y abandono  dellos años La Muezca, durante estos años llevaron la casería, Maria Belen y el so home, que creo recordar que se llamaba Pepe, esti home cuando vieno a vivir a La Muezca nun conocía prácticamente nada del trabayu del campu, pero a pesar d'ello adatose perfeutamente y xuntu cola so muyer llevaron la casería durante unos cuantos años. D'esta dómina recuerdo que delles persones de Villaescusa solíamos dir pela tardi-nueche hasta La Muezca pa echar unes partíes de cartes y pasar el ratu.

María Belen Manjòn Sánchez
Mas alantre, Maria Belen y el so home abandonaron La Muezca pa vivir en Xixón, tornando a La Muezca Ramón, que xunto cola so muyer Julia fixeronse cargu de la caseria.

Ramón Manjón ye bien conocíu nos ambientes ganaderos pola so afición a participar en munches de les feries, muestres  y concursos de ganáu que se celebren por toa Asturies, presentando lotes de los sos animales, ganando en munches ocasiones destacaos premios y galardones.

Ramón, tamién ye un gran conocedor del Puertu Sueve, del que conoz como naide tolos sos rincones, dende los 9 años que xubió al Sueve per primer vez hasta los nuesos díes, recorriolu en innumberables ocasiones, yá que siempre tuvo ellí vaques, yegües y cabres.
Ramón recibe el premio como Pastor Mayor del Sueve

Nel añu 2015 Ramón, fui nombrau como Pastor Mayor del Sueve, galardón que concede L'Asociación de Criadores de Caballos Asturcones (ACAS) y que-y lu entregaren na Fiesta del Asturcón, na Mayada de Espineres nel mes d'agostu d'esi añu.

Na actualidá Ramòn y Julia siguen viviendo en La Muezca y colaborando nos trabayos de la casería, anque la mayor carga de trabayu recai nel so fíu Carlos.

Nel siguiente video vemos una entrevista con Ramón Manjón na Mayada de Espineres na fiesta del Asturcon n'agostu de 2015.

103140

No hay comentarios: