N'alcordanza y homenaxe del mio bisabuelu Xuan.

El mio bisabuelu per llinia materna, llamabase Xuan Carús, era de Los Aceos, un llugar de la parroquia de Pivierda, tuvo casau con Casimira Fresno, del pueblu de Llineres, na parroquia de Rales y tubieren tres fios, Maria, Benigna y Santos Carus Fresno.

Xuan, era un hombre podiamos dicir adelantau al tiempu que-y toco vivir, ademas de dedicase a los llabores  del campu, era relojeru, oficiu que deprendio el solu armando y desarmando vieyos relojes, ademas de relojes tamien arreglaba maquines de coser.

Anque yo nun llegue a conocelu, si me alcuerdo de un pequeñu cuartu llenu de relojes dalgunos dellos desarmaos encima de una mesa, y tamien me alcuerdo de un gran reló de sol na fachada de la so casa de Los Aceos.

Xuan Carùs

De Xuan cuntabase una anedota curiosa, nuna ocasión llego a Los Aceos una muyer de Fanu con una maquina de coser al costazu pa  que Xuan le echara una güeyada pos la dichosa maquina nun funcionaba bien, era pel tiempu la herba y Xuan taba muy atareau y nun podía miraila nel momentu asi que dixo-y que tenia que dexala y que ya la miraria, la muyer contesto-y que nun podia dexala porque entos tenia que volver a Fanu sin ella y volver otru dia a buscala y que por favor se la mirara al momentu. Xuan compadeciendose de la muyer y sabiendo la gran caminata que tenia que facer dende Los Aceos hasta Fanu accedio a mirala nel momentu, agarro la maquina punxola enrriba de de una mesa, quito-y la tapa y soplo delles veces sobre el mecanismu, agarro una aceitera y echo-y  varies gotes de aceite donde el considero necesariu, empezo a dai al rabil y la maquina empecipio a coser perfeutamente.

Xuan dixoy a la muyer que ya taba lista, que solamente necesitaba un pocu de limpieza y engrase, la muyer mostrose agradecia y pregunto-y cuantu-y debia,  Xuan dixo-y; ----- Son cinco pesetes, cantida, bastante importante pa aquellos tiempos (primeros años del siglu XX), la muyer dixo-y.----- ¿Home, va cobrame cinco pesetes solu por soplar un pocu y echa-y unes gotes de de aceite?. ---- A lo que Xuan respondió: ---- Non, por soplar y echar l'aceite son cincuenta céntimos, les cuatro pesetes y cincuenta céntimos restantes son por saber onde había que soplar y onde había que echar l'aceite, la muyer dio-y les cinco pesetes a Xuan y marcho co la maquina pa Fanu, entendiendo que pa facer una cosa, primero hay que saber como se fai.

El reló de sol que muestro en la foto féxilu yo, fai unos cuantos años en su memoria y recuerdu y funciona perfeutamente non atrasa nin adelanta, eso si, pa que funcione tien que facer sol y de eso esti añu n'Asturies tamos un pocu escasos así que tengo algunos poblemas pa saber la hora que ye.