lunes, 26 de mayo de 2014

Cuentos y leyendas: El güelu, el padre y el nenu

Esti cuentu, cuntarenmelu a mi en Villaescusa cuando yo era nenu, persones yá finaes de les que guardo buenos recuerdos y como tolos cuentos, esti, tamién tien la so moraleja.

Esto era un matrimoniu que tenía un fíu de 7 u 8 años, la familia completabala el güelu que era yá muy mayor, y que era'l padre del padre del nenu.

A la hora les comides, el padre, la mdre y el nenu, usaben platos y taces de loza y cubiertos d'aceru, mientres que al güelu daben-y les comíes en platos y taces de madera y cubiertos tamién fechos de madera, si al mediudia sobraba algo de comida, siempre-y lo daben al güelu pa cenar. 

El nenu que quería munchu a so güelu, non entendía porque so padre y so madre lu trataben asi.

Dalguna vez yá preguntara cual era'l motivu d'esta distinción, ellos dixéron-y que'l güelu yá era muy mayor, y que durante toa la so vida habia usau platos y cubiertos fechos de madera, sin embargu el nenu no acaaba d'entendelo y pensaba que más bien lu trataben asi por ser vieyu.

Un día el padre del nenu garro un cachu de madera y púnxose a trabayar sobre él, el nenu pregúnto-y:

¿Papa que tas faciendo?.

El padre contésto-y:

Cuando termine yá lo veras,  anda vete per ahí a xugar. 

Al pocu tiempu el nenu torno onde taba'l so padre y pregúnto-y de nuevu:

¿Papa que tas faciendo?.

Ante la insistencia, el padre díxo-y:

Toi faciendo un platu, una taza y una cuchar de madera pa to güelu, porque les que tien tán yá muy estropeaes, el nenu callo y nun dixo nada.

Al otru día, el nenu garro un cachu de madera y con una pequena navaya que tenía empezó a cortar sobre el. El padre que lu vio pregúnto-y:  

¿Fíu que tas faciendo?,  ¿nun ves que  pues cortate?.

El nenu contésto-y:

Voi facer un platu una taza y unos cubiertos de madera,  al oyer esto, el padre díxo-y:

Pero, yá te dixi ayer que pa to güelu toi faciendolos yo,

El nenu contésto-y:

Los que yo toi faciendo, nun son pa mio güelu, son  pa ti, pa cuando tu seas vieyu, entós yo  voi date la comida nellos.

Ante esta reflexión del rapaz, el padre quédose pensativu y de siguío garro'l  platu, la taza y la cuchar qu'él taba faciendo y col hachu fexolos estielles, dempués fui a la cocina, garro los qu'ellí había y echolos al fueu, dempués llamo a la muyer y díxo-y, el nuestru fíu acába de dame una llección que nun olvidare na mio vida y conto-y la hestoria, dempués dixo, d'equí p'arriba nesta casa toos vamos ser iguales vamos comer lo qu'haiga y siempre n'idénticos platos, taces y cubiertos.

MORALEJA: No trates a tus mayores de manera vejatoria o 
inhumana por el fechu de ser vieyos, nun te  olvides que si así lo faces, quizás algún día tus descendientes fagan lo mismo contigo.

No homenaxe y alcordanza de les persones de Villaescusa ya finaes, que cuando yo era nenu cuntarónme esti y otros munchos cuento y hestories


No hay comentarios: