Villascusa ye un pueblu nel que l'agua rellumaba pola so
ausencia, ye más, en Villascusa nun había nenguna fonte, tolos manantiales de
de la zona taben na aguada norte o l'aguada sur, primero que s'efectuara la
traida d'agua al pueblu, cosa que asocedio al principiu de los años setenta, la
xente de Villascusa teníen qu'abastecese d'ella utilizando dalguna d'estes
fontes, tantu pal consumu humanu, como pa los animales. Vamos facer una repasu
de delles d'estes fontes y manantiales de la zona.
Al norte de Villascusa taba la Fonte l’Aceu, esta yera'l
principal manantial del que se surtía'l pueblu tantu pal consumu humanu como pa
los animales, pos tamién había ellí un bebederu, cerca de la Fonte l’Aceu,
había otru manantial llamáu La Riega, onde había un llavaderu, onde les muyeres
del pueblu diben a llavar la ropa, les agües d'estos dos manantiales son
l'entamu de Riega’l Bustiu, que baxa hasta Pernús, recoyendo nel so cursu
l'agua de la lluvia y de dellos otros manantiales.
Nel iniciu del camín que diba escontra'l Llanuteli, nel
llugar llamáu La Prunalina había un pequeñu manantial que taba activu en tiempu
de lluvia y que pel veranu taba secu, utilizabase p'abebentar el ganáu, mas
alantre nel mesmu camín, taba’l bebederu de La Piedra, esti manantial yera más
abondosu qu'el de La Prunalina yá que inclusive nel veranu tenia agua.
Cerca de l’Ablaneu taba la Fonte l’Ablaneu, a esta fonte
tamién se diba a buscar agua pal consumu humanu, esta fonte ye l'entamu de la riega
de Rozanes que baxa hasta la Vega (Pernús) onde se xunta con la riega de La
Llera y mas alantre con la riega del Bustiu, formando la riega Pernús, que discurre hacia el norte hasta desembocar
en el riu Llovones.
Na aguada norte de Villaescusa, ente'l Prau Mariana, la Llosa
la Casanueva y el Carbayin taba la Fonte
Vieya, había ellí un bebederu pal ganáu.
En La Capilla esta La Fonte Sienrra o Fonte la Capilla, esti
yera un manantial abondosu y había ellí tamién un bebederu pal ganáu y un
llavaderu, xuntu col cercanu manantial del Burrumanxu son l'entamu de la Riega
Bucial que lleva les agües hasta'l riu Pivierda.
En Villascusa taba tamién el bebederu de la Fontana esti yera
un manantial non muy abondosu y solamente tenía agua durante’l iviernu,
utilizabase p'abebentar el ganáu, nel centru del pueblu taba'l Pozu la Era,
esti nun yera nengún manantial, sinón que yera un pozu fechu artificialmente,
recoyía l'agua de la lluvia y utilizábase tamien p'abebentar el ganáu pe’l iviernu.
Al sur de Villaescusa, ente Cortobeyu y Bucial, taba la Poza
del Coritu, había ellí una pequena
charca que recoyía l'agua d'esti pequeñu manantial que taba activu pel iviernu,
utilizabase pal consumu del ganáu.
Tamién al sur de Villaescusa, nel camín que diba escontra La
Indiana y El Roblón, taba la Poza del Pingón, esti yera tamién un pequeñu
manantial que durante el veranu secabase, pero'l restu del añu yera utilizáu
pol ganáu cuando diba o venia de los praos de la zona.
Na actualidá, la mayoría d'estes fontes y manantiales tán
totalmente abandonaes y cubiertes pola maleza, los más nuevos desconocen el so allugamientu esactu, sin
embargu, nun fai tantos años, toos ellos emprestaren un gran serviciu al pueblu
de Villascusa, pos en sin ellos, la vida nel mesmu, habría siu del tou imposible.
35115
35115
No hay comentarios:
Publicar un comentario