Cuentos y Leyendes. Los tesoros de Les Cubiles

Cortobeyu

Esta hestoria forma parte de la gran cantidá de cuentos y leyendes que va munchos años cuntábense nos pueblos y aldees d'Asturies pa amenizar les llargues nueches d'iviernu.

Les  Cubiles ye un llugar que s'atopa cerca de Cortobeyu, nel camín que partiendo de Riega Bucial, na carretera AS-330, subia hasta Cortobeyu, Bucial, Corrales,  La Capilla y Villascusa, toos estos pueblos y llugares pertenecen al conceyu de Colunga.

Según cuntaba una antigua leyenda, na zona de Les Cubiles, había una cueva que en  so interior tenia grandes tesoros que habien dexaru ellí escondíes los moros cuando precipitadamente fueren expulsaos de la zona, la leyenda cuntaba que dientro de la cueva había munchisimes vasíjes llenes de monedes d'oru y de plata, cuberteríes tamién de plata, una pita con pitinos de oru, y otres munches coses toes elles de gran valor.

Corrales

El problema era que naide sabia a ciencia cierta onde taba la supuesta cueva, la zona fuera rastrexada en busca d'ella en varis ocasiones en sin resultau dengunu.

Nuna ocasión un paisanu que taba llimpiando un terrén montiegu cerca de Les Cubiles afayó nel suelu una gran losa de piedra que pola so forma y tamañu nun tendría de tar ellí, y paecía que daquién la punxo ellí a propositu col fin de cubrir daqué, movíu pol interés empezó a retirar la maleza y tierra que parcialmente cubría la losa y cual nun seria la so sorpresa al afayar sobre la misma una inscripción que dicía asi.

DAME LA VUELTA Y VERAS LO QUE DEBAXU DE MI ESTA.

Bucial

El paisano automáticamente pensó qu'acababa d'atopar la cueva del tesoro, el problema era que la losa era muy grande y pesada pa ser voltiada por una sola persona, asi que non tuvo mas remediu que facer participes del so descubrimientu a les xentes del llugar

Cuando esti home contó a los sos vecinos lo qu'había descubiertu, ente toos decidieren dir al llugar onde taba la losa, col fin de da-y la vuelta y comprobar lo qu'había debaxu d'ella, cuando llegaren al llugar y vieren les sos dimensiones entendieren que la tarea nun seria nada fácil, pero movíos pol interés y l'ambición punxéronse manes a la obra, quitaron tola tierra alredor de la piedra y ayudaos de grandes palanques, cuerdes, y una parexa de gües, dempués d'un duru trabayu llograron da-y la vuelta a la losa.

La Capilla

Na mas da-y la vuelta, comprobaren con plasmu que debaxu de la losa nun taba lo qu'ellos esperaben atopar, debaxu della nun taba la entrada a nenguna cueva, nin polo tantu tesoru dalgunu.

Sentaos al pie de la gran losa, desmoralizaos al dase cuenta del trabayu que fixeren en valde, unu d'ellos diose cunta que la losa pel  llau qu'agora taba a la vista tenia otra inscripción que dicía asi.

GRACIES A DIOS Y ALLABAU QUE YÁ TOI DEL OTRU LLAU.

En memoria y alcordanza de les persones de Villaescusa yá finaes a les que cuando yo era nenu escuche-yos  cuntar esti y otros munchos cuentos y hestories.