La maquina de corchar

Vamos falar güei de la maquina de corchar que como'l so nome indica servia pa poner los corchos a les botelles de sidre.

Na ellaboración de la sidre un de los llabores qu'hai que facer ye corchar, esto faise cuando la sidre ta pa corchar una vez lleldada nos barriles les barriques y les pipes, la sidre contenia nestos cascos va echándose nes botelles  y cola ayuda de la maquina de corchar o corchadora van poniéndose-y los corchos. na actualidá esto faise con maquines mas o menos automatiques, pero d'antiguo faciase con ferramientes como esta enforma mas artesanales.

La maquina de corchar qu'ilustra estes lineas anque ye antigua, yá tien partes metáliques y por tantu ye mas moderna que les mas antigües que yeren feches totalmente de madera, empezando por debaxu podemos ver la boquilla, fecha de madera y que s'ajusta perfeutamente al bocal de les botelles de sidre, el cuerpu principal onde s'introduz el corchu, consta de dos partes xuníes por una visagra y la baqueta, fecha tamién de madera que s'introduz pela parte cimera y que por medio de pequenos golpes con un mazu tamién de madera va emburriando'l corchu y introduciendolu na botella.

Corchar, lo mesmu que mayar yeren llabores que nos pueblos y aldees solíense faer de andecha, pos facíen falta delles persones para realizales, había qu'empezar llavando perbién les botelles, depués introducíase una goma pela parte cimera de la barrica y pol principiu de los vasos comunicantes díbense enllenáu les botelles depués por mediu de la corchadora poníase-yos los corchos pa denpues asitiales de forma horizontal n'estanteríes onde remataba'l procesu de maduración de la sidre. 

El procesu d'enllenar les botelles per mediu d'una goma y el principiu de los vasos comunicantes, tamién ye mas modernu yá que mas d'antiguo enllenábense por medio d'un grifu o canía fechu totalmente de madera y que nuna proxima entrada falare del equi.

43357

El Gachapu

Voi empecipiar güei una serie d'entraes nesti blog nes que tratare de describir anque sea someramente dellos instrumentos ferramientes y preseos que na actualida tán prácticamente en desusu pero que d'antiguo yeren utilizaos  poles xentes que vivíen en Villaescusa y otros pueblos del conceyu de Colunga. Vamos empezar falando del gachapu.

El gachapu, básicamente ye un recipiente fechu d'una sola pieza de madera, la utilidá del gachapu yera llevar la piedra d'afilar la guadaña, echábase-y nel so interior un pocu d'agua pa que la piedra estubiese siempre moyada y afilara meyor, dalguna xente en llugar d'echar agua al gachapu echaben-y  vinagre pa que la piedra estubiera mas aspera y fora mas abrasiva  a la hora d'afilar, había gachapos de distintes formes, redondos, cuadraos mas grandes o mas pequeños, unes veces fechos toscamente y otres fechos con munchu percuru, dalgunos inclusive con talles alegóriques a les xeres del campu u otres talles que en dalgunos casos podíen considerase verdaderes obres d'arte.

Los gachapos facianlos xeneralmente los madreñeros utilizando pa ello dalgunes de les ferramientes que usaben pa faer les madreñes, de fechu cuando daquién llevaba unes madreñes feches toscamente, la xente dicía lleves unes madreñes que paecen dos gachapos.

El segador colgaba'l gachapu   de la petrina y cuando  taba segando, a intervalos regulares parábase, sacaba la piedra del gachapu y afilaba la gadaña.

El gachapu que ilustra esta historia fexolu  fai mas venticinco años un artesanu de Sales, que se llamaba Rogelio Pardo, como atestigüen les sos inicales grabaes sobre'l mesmu y que era un verdaderu artista de la madera, fexolu non ya pa usalu como tal si non mas bien pa usalu como adornu.

Segaor que tas segando 

debaxu de la borrina

si non corta la guadaña
saca la piedra y afila

43035