A pesar de la gran cantidá de plantíos de ocalitos que casi cubren por completu tol territoriu del conceyu de Colunga, creando un paisaxe monótono y anodino, tovia queden delles zones de montes autóctonos cubiertes por árboles caducifolios, como castañales, carbayos, abedugos, umeros, álamos, etc. Nesta dómina serondiega estos árboles tán perdiendo les sos fueyes, esto fai que presenten unos estraordinarios coloríos, componiendo verdaderes postales q'un quédase extasiau contemplándo esta maravía natural. Anque en cualesquier parte del conceyu puen vese estes guapures naturales, lo ciertu ye qu'abonden mas nes zones mas interiores del mesmu, en La Riera, Agüera, Lliberdon, Carrandi, Lloroñi, Piverda, Pernús, etc. El siguiente video realizáu con fotografíes tomaes nos llugares enantes citaos y en dellos otros, y escoyíes de forma aleatoria, pue vese una pequena amuesa d'estos espectaculares paisaxes.
No hay comentarios:
Publicar un comentario