Recordando a "Vique"

Poca xente va haber nel conceyu de Colunga, quitando a los más jovenes, que nun recuerden a Vique, la mio primer alcordanza de Vique remontase a fai mas de 50 años, cuando lu vi actuar en Villaescusa nuna esbilla y a partir d'entós en bien de ocasiones nes   fiestes de los pueblos del conceyu, la última vez que recuerdo habelu vistu actuar col so violín fue na Fiesta del Asturcon na Mayada de Espineres, nel puertu Sueve, a mediaos de los  años 90.

Enrique Collado, que asi se llamaba, fue una persona entrañable y por demás popular nel conceyu de Colunga, dende los años cincuenta hasta los noventa del pasáu sieglu XX, nun había fiesta, romería, feria o cualesquier otru actu de caracter festivu nel que Vique, acompañáu del so vieyu violín nun fixera actu de presencia y pola so cuenta, empezare a animar  l'ambiente y formar folixa,  pa ello averábase a un grupu de xente y empezaba a interpretar  dalgun de los cantares populares del momentu, la xente al escuchalu acercabase, arrodiábalu, aplaudíalu, y pedien-y que tocara tal o cual cantar, el correspondía y dempués d'un ratu coyía la so boína y pasabala ente la xente pa que-y dieren unes monedes, si consideraba que lo recaudau merecía la pena, entós siguía tocando, pero si lo recaudau paecia-y pucu, dexaba de tocar y acercabase a otru llugar y empezaba de nuevu.

Enrique Collado (Vique)

Vique nun tenia formación musical, polo tantu tacaba  de oidu, escuchaba los cantares na radio, aprendialos, y a  base de praticar consiguía interpretalos  con su violin, dacuando amás de tocar tamién cantaba, la so forma de ser y de comportase, simpática, senciella y  llana contribuyía a ganar  la popularidá de la que gozaba ente tola xente del conceyu.

Vique era del pueblu de L’Esllabayu na parroquia de Lliberdón, onde habia naciu nel añu 1903 y onde vivió tola so vida, dedicáu a los llabores del campu y a la so gran afición que era la música, murió nel añu 2003 a los 99 años, faltándo-y  bien pocu pa cumplir  los 100.

En homenaxe y  alcordanza de Vique, quien durante  mas de 60 años y siempre con su inseparable violin  animo  toles fiestes y romeries del conceyu de Colunga y otros de la rodiada.

En el siguiente video de Siderio59, podemos ver a Vique con su violin en la Fiesta del Asturcon.