El Cuquiellu y la Raitana

El Cuquiellu

El cuco n'asturianu cuquiellu, ye un páxaru que llegaba a Asturies a principiu de la primavera y permanecía ente nós hasta'l final del veranu, era muy frecuente velos y sobremanera escuchar el so característicu cantu de "cu-cu" "cu-cu", y digo que llegaba porque actualmente nun llega, o lleguen bien pocos exemplares y ye difícil velos y escuchalos, seguramente porque la población d'estos páxaros baxó enforma o quiza tenga daqué que ver col cambiu climáticu.

Sobre'l Cuquiellu  habia muches leyendes, por casu en Villaescusa diciase-yos a los nenos que les cereces nun madurecíen hasta qu'el cuquiellu les cucaba, los mas pequenos esperabamos ansiosos oyer al cuquiellu cucar porque ello significaba que bien llueu podriamos comer les cereces que son una de les primeres frutes que madurecen na primavera.

La Raitana o Papina

El cuquiellu tien una caracteristica especial que lu distigue de los demas paxaros, en llugar de facer el so ñeru y criar nel a los sos pitucos, la fembra del cuquiellu pon los sos güevos nel ñeru d'otros paxaros, pa nun espertar sospecha retira unu de los güevos de cada ñeru y deposita el suyu, d'esta manera l'otru páxaru sera l'encargáu de guaralo y mas tarde alimentar y sacar alantre la cría del cuquiellu, unu de los ñeros onde'l cuquiellu ponia los sos güevos era'l de la raitana

Referente a esta particularidá del cuquiellu, en Villaescusa cuntábase un cuentu, cuentu que ha diferencia de la mayoría de los cuentos que siempre tienen un final feliz, esti tenia un final triste y daba muncha pena escuchalu.

Esto era una Raitana, en Villaescusa llámase-y papina, que fixo'l so ñeru nun sucu nun llugar llamáu la Fontana,  una vez qu'acabo de faer el ñeru, punxo los sos güevos nel y yá se disponia a guaralos, pero nun momentu que la papina abandono el ñeru, un cuquiellu que a la sazon taba cucando

El cuquiellu y la papina

les cereces d'una cerezal temprana que alli habia descubrio el ñeru de de la papina, retiro unu de los sos güevos  y punxo nel ñeru el so propiu güevu, la papina nun se dio cuenta del cambiu y siguio guarando los güevos. cuando termino'l periodu de incubacion nacieron los paxarinos de la papina y el del cuquiellu, a partir d'esti momentu la papina afanabase n'apurrir comida al ñeru pa sacar alantre a los pitucos, el cuquiellu que ye un especie enforma mayor que la Raitana crecia enforma mas rapido que los pollos de la papina y acaparaba tola comida que la so supuesta madre apurría al ñeru, de manera que los verdaderos fíos de la papina fueron morriendo de fame, la papina continuo alimentando al cuquiellu que fui crciendo, cada vez demandaba mas comida y la papina nun daba a bastu, asi  qu'el Cuquiellu volviose agresivu contra ella y al finnal cuando yá era grande termino por matala.

Supongo que como tolos cuentos esti tamien tendra la so moraleja y tara relacionada col deber de respetu y consideracion que los fios tienen hacia los sos padres por habelos traido al mundu y sacalos alantre, cosa que nesti casu nun fixo'l cuquiellu co la so supueesta madre la papina.